Çitaku në mbledhjen e PDK: Javën e ardhshme prezantojmë frytet e para të punës për mbrojtjen e çlirimtarëve në Hagë
Partia Demokratike e Kosovës mbajti sot një takim të përbashkët të Kryesisë, Grupit Parlamentar dhe kryetarëve të degëve. Ushtruesja e detyrës së kryetares së PDK-së, Vlora Çitaku, i njoftoi të pranishmit për zhvillimet e fundit dhe hapat e radhës për mbrojtjen e çlirimtarëve në Hagë.
Çitaku bëri të ditur se javën e ardhshme pritet të prezantohen frytet e para të punës intensive për mbrojtjen e çlirimtarëve në Hagë – strategjia shtetërore për mbrojtjen në apel dhe iniciativa e re ligjore për Dhomat e Specializuara. Sipas dakordimeve të arritura, kjo iniciativë do të mbështetet në tekstin që Kuvendi miratoi në tetor dhe do të përfshijë kontributet e PDK-së, të ekspertëve dhe të grupit punues.
Çitaku vlerësoi se uniteti i të gjitha partive parlamentare shqiptare në mbrojtje të luftës së popullit të Kosovës për liri dhe të çlirimtarëve në Hagë ka peshë historike. Ajo falënderoi të gjithë për bashkëpunimin dhe mirëkuptimin me të cilin e kanë mbështetur këtë çështje si kauzë kombëtare.
Çitaku, riafirmoi se mbrojtja e çlirimtarëve në apel është prioritet absolut i PDK-së. PDK do të angazhohet deri në fund që çlirimtarët të kenë mbështetjen e shtetit në çdo nivel, me mobilizimin e të gjitha kapaciteteve institucionale dhe me fonde të mjaftueshme për të ndërmarrë çdo veprim të mundshëm, me një qëllim të vetëm: rrëzimit të aktgjykimit të shkallës së parë dhe fitores së çlirimtarëve në apel.
Vrasja e policit Triumf Riza, 18 vite burgim për Ilir dhe Rrahim Abdullahi
Raportuesja Speciale e OKB-së ndjek debatin për Ligjin e Speciales, tregon se si e gjykon Bashkimi Evropian
Raporti Global i Sigurisë 2026: Kosova ndër pesë vendet më të sigurta në Evropë
- 17:33 Inteligjenca daneze parandalon një atentat të organizuar nga Rusia ndaj një shtetasi ukrainas-amerikan
- 17:32 Vodafone Albania: Tarifa sociale, për të rinjtë dhe të moshuarit
- 17:23 E rëndë në Florida, burri vret gruan dhe tre fëmijët e tyre të mitur! Edhe autori gjendet i pajetë në banesë
- 17:07 Samiti i Berlinit për Ukrainën, Macron kërkon rihapjen e çështjes së anëtarësimit në NATO
- 16:51 Sulmet ruse në Ukrainë vrasin 8 persona, dëmtojnë edhe urat në Kiev
- 16:42 Drejtori i Përgjithshëm i Tatimeve, Ilir Binaj reagon pas akuzave të Spiropalit