Kryebashkiaku i Beogradit nën akuzë për dhunë, dyshohet se ka goditur këshilltaren e opozitës
Gjyqësori serbe ngriti të premten akuza ndaj kryetarit nacionalist të Bashkisë së Beogradit, Aleksandar Sapiç, për sulm ndaj një këshilltareje bashkiake të opozitës në muajin shtator, duke i shkaktuar asaj lëndime të rënda.
Sapiç, një figurë e njohur e Partisë Nacionaliste SNS, e cila ishte në pushtet në Serbi deri në humbjen e zgjedhjeve parlamentare të muajit të kaluar, akuzohet se ka goditur me grusht në fytyrë këshilltaren bashkiake Tatjana Micic.
“Viktima pësoi fraktura nga hunda deri te nofulla e sipërme, si dhe dëmtime në qafë dhe në krahun e djathtë, të cilat përbëjnë një tërësi të rëndë dëmtimesh”, theksoi prokuroria në një deklaratë. Kryetari i bashkisë rrezikon deri në tre vjet burg.
Lëvizja opozitare Kreni-Promeni, së cilës i përket Micic, akuzoi Sapiçin se kishte sulmuar atë dhe bashkëshortin e saj mbrëmjen e 28 shtatorit, në një periferi të Beogradit. Lëvizja publikoi në internet pamje filmike të sulmit dhe të dëmtimeve në fytyrën e viktimës.
Kryetari i Bashkisë së Beogradit, i marrë në pyetje nga policia, mohoi se kishte sulmuar këshilltaren bashkiake, duke pranuar vetëm se kishte pasur një debat të ashpër dhe një përleshje fizike me bashkëshortin e saj.
Megjithatë, prokuroria bëri të ditur se kishte marrë në pyetje dëshmitarë, kishte shqyrtuar pamjet filmike dhe kishte konsultuar raportet mjekësore përpara ngritjes së akuzave.
Ndërkohë, partitë opozitare kërkuan dorëheqjen e kryetarit të bashkisë, por ai e refuzoi këtë kërkesë.
SNS, e cila qeverisi Serbinë për 14 vjet, humbi pushtetin në vend pas fitores së thellë të lëvizjes së udhëhequr nga studentët në zgjedhjet parlamentare të tetorit, por vazhdon të kontrollojë Bashkinë e Beogradit.
Përfundon edhe një tjetër ditë pranë familjes, EULEX-i me 4 xhipa shkon të marrë Jakup Krasniqin nga shtëpia
Çitaku në mbledhjen e PDK: Javën e ardhshme prezantojmë frytet e para të punës për mbrojtjen e çlirimtarëve në Hagë
Vrasja e policit Triumf Riza, 18 vite burgim për Ilir dhe Rrahim Abdullahi
- 19:11 Trump pas takimit me Putin: Ai dëshiron që lufta në Ukrainë të përfundojë me mjete diplomatike
- 19:09 Letonia kërkon ndalimin e hyrjes së qytetarëve rusë në BE: Nuk mund të kontrollohen kaq shumë njerëz
- 19:08 Ish-sekretarja e shtypit, Katie Zacharia nën hetim, dyshohet se nuk e ka kaluar kurrë provimin e avokatisë
- 18:59 Trump: Nuk do t’i lejojmë kompanitë tona të ndërtojnë qendra të dhënash jashtë vendit
- 18:52 Danimarka dëbon diplomatin rus të mbrojtjes dhe bllokon vizat për qytetarët rusë pas zbulimit të komplotit për vrasje
- 18:51 Samiti në Kinë, Trump jep detaje: Takova 20 liderë botërorë, sigurova 2 marrëveshje të reja tregtare