Close Menu
Informohu siç duhetInformohu siç duhet
    Lajmet e fundit

    Ndryshon skema e kujdesit social në Shqipëri, Spahiu zbulon risitë e projektligjit të ri

    Futbolli i kushton shtrenjtë kryebashkiakut të Nju Jorkut, Mamdani përfundon me paterica

    Trump vendos kufij për gjigantët e teknologjisë: “Taksë të jashtëzakonshme për ata që dalin jashtë SHBA”

    Facebook X (Twitter) Instagram
    Informohu siç duhetInformohu siç duhet
    • Aktualitet
      • Aktualitet
      • Politike
      • Ekonomi
      • Sociale
      • Fokus
    • Opinion
    • Lifestyle
      • Showbiz
      • Udhetim & Turizëm
      • Kulturë
      • Shëndet
      • Horoskopi
      • Dekor
      • Trende
      • Teknologji
    • Botë
      • Kosovë
      • Rajon
      • Botë
    • Sport
    • Troç
    Youtube
    Informohu siç duhetInformohu siç duhet
    You are at:Home » Ndryshon skema e kujdesit social në Shqipëri, Spahiu zbulon risitë e projektligjit të ri
    Lajmet e fundit

    Ndryshon skema e kujdesit social në Shqipëri, Spahiu zbulon risitë e projektligjit të ri

    November 21, 2026

    Në mbledhjen e Këshillit Kombëtar për të Drejtat dhe Mbrojtjen e Fëmijëve, ku ishte i pranishëm edhe kryeministri Edi Rama, ministrja e Shëndetësisë dhe Mirëqenies Sociale, Klodiana Spahiu, prezantoi ndryshimet që parashikon projektligji “Për shërbimet e kujdesit social”.

    Sipas ministres, nisma synon të përmirësojë cilësinë e shërbimeve sociale, të zgjerojë mundësitë e përfitimit të tyre dhe të rrisë mbështetjen për individët dhe familjet në nevojë. Një prej ndryshimeve kryesore është vendosja e qytetarit në qendër të sistemit, duke përshtatur shërbimet me nevojat e tij konkrete.

    Gjatë diskutimeve me përfaqësuesit e grupeve të interesit, Spahiu bëri të ditur se kuadri i ri ligjor do të përfshijë mekanizma të posaçëm për identifikimin dhe trajtimin e nevojave të përfituesve. Konkretisht, parashikohet vlerësimi profesional i situatës, hartimi i planeve individuale të mbështetjes dhe menaxhimi i çdo rasti.

    “Shërbimi duhet të përshtatet me qytetarin. Pra, jo qytetari të shkojë të gjejë shërbimin që i takon, por shërbimi duhet të përshtatet me qytetarin. Kjo është arsyeja pse ne kemi vendosur që në këtë ligj të përfshijmë fillimisht vlerësimin profesional të nevojave, planin individual të mbështetjes dhe menaxhimin e rastit”, u shpreh ministrja.

    Një tjetër drejtim ku përqendrohen ndryshimet është zgjerimi i shërbimeve sociale në familje dhe komunitet. Projektligji synon që mbështetja të ofrohet sa më pranë vendbanimit të qytetarëve, duke i dhënë përparësi alternativave ndaj kujdesit institucional.

    Në sistemin e ri parashikohet gjithashtu përfshirja e kujdesit afatgjatë, me vëmendje të veçantë për të moshuarit dhe personat që kanë nevojë për asistencë të vazhdueshme.

    Projektligji parashikon edhe zgjerimin e përgjegjësive të pushtetit vendor. Bashkitë do të kenë një rol më të rëndësishëm në evidentimin e nevojave të komuniteteve, planifikimin e shërbimeve dhe garantimin e ofrimit të tyre në mënyrë të vazhdueshme në territorin që mbulojnë.

    Për sa i përket financimit, nisma parashikon forcimin e Fondit Social Qendror dhe krijimin e Fondit Social Vendor. Përmes këtyre instrumenteve synohet që fondet të përdoren në funksion të nevojave konkrete të qytetarëve dhe komuniteteve.

    Ndryshime parashikohen edhe në organizimin institucional të sektorit. Një prej tyre është krijimi i një Agjencie të specializuar për çështjet sociale, përmes transformimit të Shërbimit Social Shtetëror.

    Krahas kësaj, projektligji synon të forcojë standardet e ofrimit të shërbimeve, si dhe mekanizmat e monitorimit, licencimit dhe inspektimit, me qëllim garantimin e cilësisë dhe funksionimit të sistemit.

    Ministrja Spahiu bëri të ditur se pjesë e reformës do të jetë edhe rritja e kapaciteteve profesionale dhe institucionale, veçanërisht në nivel vendor. Një tjetër objektiv është përafrimi i legjislacionit shqiptar me standardet evropiane.

    Gjatë mbledhjes, përfaqësuesit e grupeve të interesit paraqitën vlerësimet dhe propozimet e tyre lidhur me projektligjin, duke dhënë sugjerime për përmirësimin e kuadrit ligjor dhe forcimin e mëtejshëm të sistemit të kujdesit social.

    Edi rama Klodiana Spahiu kujdes social skeme
    Share. Facebook WhatsApp
    Demo
    Postimet e reja

    Ndryshon skema e kujdesit social në Shqipëri, Spahiu zbulon risitë e projektligjit të ri

    November 21, 2026

    Futbolli i kushton shtrenjtë kryebashkiakut të Nju Jorkut, Mamdani përfundon me paterica

    November 21, 2026

    Trump vendos kufij për gjigantët e teknologjisë: “Taksë të jashtëzakonshme për ata që dalin jashtë SHBA”

    November 21, 2026

    Vrasja e Eglant Koçit, çfarë zbuluan kamerat për thesin e zi dhe lëvizjet e “Mand Dhelprës”

    November 21, 2026
    Mos e humb
    Aktualitet October 16, 2026

    Kaos në aeroportin e Rinasit administruar nga Kastrati! 10 fluturime të anuluara drejt Italisë, pasagjerët pa informacion

    Kaos dhe pakënaqësi në Aeroportin Ndërkombëtar të Rinasit, i cili administrohet nga Kastrati Group, ku…

    Çfarë pritet? Ilegaliteti “ngrin” prej 10 ditësh në Shqipëri! Mbyllen bastet dhe Call Centerat, bien transaksionet me Kriptomonedha

    Dosja/ Biznesmeni Meqemeja i dha Ahmetajt 140 mijë euro! SPAK: Shpërblim për Inceneratorin e Fierit përmes shitjeve fiktive

    ALERT në Slloveni për VIPA Flips të Kosovës, kanë përmbajtje të alergjenësh. Produkti hiqet nga tregu

    Na ndiq
    • Facebook
    • Instagram
    • YouTube
    • TikTok
    RRETH NESH
    RRETH NESH

    Një shikim i thellë në botën e lajmeve, ku teknologjia dhe profesionalizmi takohen për të sjellë lajmet më të fundit dhe të rëndësishme brenda dhe jashtë Shqipërisë. Një burim i besueshëm për informacionin e saktë dhe analizat gjithëpërfshirëse.

    NIPT: M47705501A
    Email: radarlajme@gmail.com
    Kontakt: +355689008000

    HOROSKOPI

    Horoskopi i ditës, intuitë dhe këmbëngulje për të arritur objektivat

    Horoskopi 20 nëntor 2026/ Çfarë kanë rezervuar yjet për shenjën tuaj

    Horoskopi 19 nëntor 2026, zbuloni parashikimet e yjeve

    Aleanca Etike e Medias
    © Radar.al. dizenjuar nga 1001solutions

    Type above and press Enter to search. Press Esc to cancel.