Kryeministri Edi Rama ka reaguar ashpër ndaj pretendimeve se kryepolicja e Tiranës mund të largohet nga puna për shkak se nuk ka pëlqyer apo shpërndarë postimet e Erion Veliajt nga burgu. Rama pyeti se si mund të largohet një drejtuese që, sipas tij, e ka mbajtur me dinjitet uniformën e kryepolicit bashkiak, për një arsye të tillë.
Ai kritikoi gjithashtu avokatin e Veliajt, duke pretenduar se ky i fundit i drejtohet zyrtarisht Bashkisë së Tiranës si drejtues politik, ndonëse është mes personave të përjashtuar së fundmi nga kjo strukturë. Rama tha se nuk do të tolerojë sjellje arrogante ndaj qytetarëve dhe se askush nuk duhet të vihet nën presion për bindjet apo qëndrimet e tij politike.
Nëse një punonjëse rrezikon vendin e punës pse nuk bën “like” apo “share” postimet e një zyrtari, kjo është absurde. Punësimi në institucionet publike nuk mund të kushtëzohet me pëlqime në rrjetet sociale, as me besnikëri ndaj një politikani. Detyra dhe performanca duhet të jenë kriteret, jo aktiviteti personal në Facebook.
Dhe në këtë rast, pyetja e Ramës është e drejtë: askush nuk duhet të ndëshkohet për një “like” që nuk e ka bërë. Por ky standard duhet të vlejë për të gjithë, në çdo institucion dhe në çdo kohë.
