Close Menu
Informohu siç duhetInformohu siç duhet
    Lajmet e fundit

    Gjithçka nisi në vitin 2022 me Shqipërinë, sot Lara Colturi pushton Kupën e Botës, familja shpërthen në lot gëzimi

    Buxheti 2027/ 40 milionë euro për diplomacinë shqiptare, ministri Hoxha: Nuk është shpenzim, por investim strategjik

    Asambleja e PS-së së Tiranës, Ogerta Manastirliu prezanton organizimin e ri politik: Sfida është e madhe, duhet punë mobilizim dhe komunikim i përditshëm me qytetarët

    Facebook X (Twitter) Instagram
    Informohu siç duhetInformohu siç duhet
    • Aktualitet
      • Aktualitet
      • Politike
      • Ekonomi
      • Sociale
      • Fokus
    • Opinion
    • Lifestyle
      • Showbiz
      • Udhetim & Turizëm
      • Kulturë
      • Shëndet
      • Horoskopi
      • Dekor
      • Trende
      • Teknologji
    • Botë
      • Kosovë
      • Rajon
      • Botë
    • Sport
    • Troç
    Youtube
    Informohu siç duhetInformohu siç duhet
    You are at:Home » Gjithçka nisi në vitin 2022 me Shqipërinë, sot Lara Colturi pushton Kupën e Botës, familja shpërthen në lot gëzimi
    Sport

    Gjithçka nisi në vitin 2022 me Shqipërinë, sot Lara Colturi pushton Kupën e Botës, familja shpërthen në lot gëzimi

    November 21, 2026
    Screenshot

    Pas nëntë podiumeve, skiatorja kuqezi prek majën për herë të parë në karrierë. Një histori e jashtëzakonshme familjare, një projekt që nisi në vitin 2022 me Shqipërinë dhe tashmë po korr suksesin më të madh. Lara merr edhe kryesimin e përgjithshëm të Kupës së Botës.

    Lara Colturi ka shkruar historinë! Skiatorja kuqezi ka arritur fitoren e parë në karrierë në një etapë të Kupës së Botës në ski alpine, duke triumfuar në slalomin e Gurglit në Austri. Në moshën vetëm 20-vjeçare, pas nëntë podiumeve, më në fund ka ardhur ngjitja në shkallën më të lartë të podiumit për talentin që garon nën flamurin shqiptar.

    Një sukses që merr edhe më shumë vlerë për mënyrën se si është ndërtuar kjo histori. Pas këtij triumfi qëndron një projekt familjar, i nisur në vitin 2022, kur familja Colturi zgjodhi Shqipërinë për të përfaqësuar Larën në arenën ndërkombëtare. Një bashkëpunim me Federatën Shqiptare të Skive, të drejtuar nga Elvis Toçi, që tashmë po jep rezultate të jashtëzakonshme.

    Në Gurgl, aty ku dy vite më parë kishte regjistruar podiumin e parë në Kupën e Botës, Lara u rikthye për të përjetuar emocionin më të madh të karrierës. Pas një gare të parë të vështirë, të ndikuar edhe nga kushtet atmosferike, skiatorja shqiptare zhvilloi një zbritje të shkëlqyer në garën e dytë, duke lënë pas rivalet suedeze dhe duke siguruar fitoren historike.

    Në intervistën e parë pas triumfit, emocionet ishin të dukshme. Lara nuk e fshehu mirënjohjen për njerëzit që e kanë shoqëruar në këtë rrugëtim, duke ia dedikuar suksesin familjes dhe të gjithë ekipit. “Është diçka e çmendur dhe e pabesueshme. Jam shumë mirënjohëse që po përjetoj këtë emocion, së bashku me të gjithë ekipin tim. Këtu erdhi edhe podiumi im i parë, dy vite më parë. E dija që ishim në rrugën e duhur dhe po punonim fort”, u shpreh Colturi.

    Më pas, në intervistën për RAI Sport, ajo theksoi se pas këtij suksesi qëndron puna e shumë viteve, duke vënë në plan të parë familjen dhe njerëzit që e kanë mbështetur në çdo hap. “Pa ata nuk do të isha këtu. Edhe gjyshërit e mi janë këtu, ndërsa Yuri garoi në të dyja zbritjet. Sot është një përmbledhje e gjithë punës që kemi bërë gjatë këtyre viteve, por sezoni është ende i gjatë”, deklaroi skiatorja shqiptare.

    Një histori brenda historisë është edhe ajo e familjes Colturi. Nëna e saj, Daniela Ceccarelli, kampione olimpike në Salt Lake City 2002, është një prej figurave kryesore të projektit, ndërsa babai Alessandro dhe vëllai i vogël Yuri janë gjithmonë pranë saj. Madje, Yuri ishte edhe vetë në pistë, duke përjetuar nga afër atmosferën e një gare të Kupës së Botës.

    Me këtë fitore, Lara merr edhe kryesimin e vetëm të renditjes së përgjithshme të Kupës së Botës, duke konfirmuar se nuk është më thjesht një talent premtues, por një emër që mund të luftojë me më të mirat e botës. Megjithatë, ajo preferon të mos vendosë objektiva të mëdha përpara vetes: “Kupa e Botës nuk është një shqetësim për mua, as renditja e përgjithshme dhe as ajo e slalomit apo gjigantit. Unë vij në portën e nisjes dhe dua të argëtohem. Super-G më pëlqen shumë, është kënaqësi, por nuk do t’i bëj të gjitha garat”, tha Colturi.

    Shqipëria feston një fitore historike në sportet dimërore. Një projekt i nisur me besim katër vite më parë tashmë ka prodhuar kampionen e parë të një etape të Kupës së Botës. Dhe historia e Lara Colturit duket se sapo ka nisur.

    familja Kupa e Botës Lara Colturi
    Share. Facebook WhatsApp
    Demo
    Postimet e reja

    Gjithçka nisi në vitin 2022 me Shqipërinë, sot Lara Colturi pushton Kupën e Botës, familja shpërthen në lot gëzimi

    November 21, 2026

    Buxheti 2027/ 40 milionë euro për diplomacinë shqiptare, ministri Hoxha: Nuk është shpenzim, por investim strategjik

    November 21, 2026

    Asambleja e PS-së së Tiranës, Ogerta Manastirliu prezanton organizimin e ri politik: Sfida është e madhe, duhet punë mobilizim dhe komunikim i përditshëm me qytetarët

    November 21, 2026

    Pa “Fol Shqip” nuk ka atdhe! / Mesazhi i Presidentit Begaj në prag të Ditës së Alfabetit

    November 21, 2026
    Mos e humb
    Aktualitet October 16, 2026

    Kaos në aeroportin e Rinasit administruar nga Kastrati! 10 fluturime të anuluara drejt Italisë, pasagjerët pa informacion

    Kaos dhe pakënaqësi në Aeroportin Ndërkombëtar të Rinasit, i cili administrohet nga Kastrati Group, ku…

    Çfarë pritet? Ilegaliteti “ngrin” prej 10 ditësh në Shqipëri! Mbyllen bastet dhe Call Centerat, bien transaksionet me Kriptomonedha

    Dosja/ Biznesmeni Meqemeja i dha Ahmetajt 140 mijë euro! SPAK: Shpërblim për Inceneratorin e Fierit përmes shitjeve fiktive

    ALERT në Slloveni për VIPA Flips të Kosovës, kanë përmbajtje të alergjenësh. Produkti hiqet nga tregu

    Na ndiq
    • Facebook
    • Instagram
    • YouTube
    • TikTok
    RRETH NESH
    RRETH NESH

    Një shikim i thellë në botën e lajmeve, ku teknologjia dhe profesionalizmi takohen për të sjellë lajmet më të fundit dhe të rëndësishme brenda dhe jashtë Shqipërisë. Një burim i besueshëm për informacionin e saktë dhe analizat gjithëpërfshirëse.

    NIPT: M47705501A
    Email: radarlajme@gmail.com
    Kontakt: +355689008000

    HOROSKOPI

    11/22: Data simbolike që mund të ndryshojë rrjedhën e gjërave për këto 5 shenja

    Horoskopi i ditës, intuitë dhe këmbëngulje për të arritur objektivat

    Horoskopi 20 nëntor 2026/ Çfarë kanë rezervuar yjet për shenjën tuaj

    Aleanca Etike e Medias
    © Radar.al. dizenjuar nga 1001solutions

    Type above and press Enter to search. Press Esc to cancel.