Vodhën shuma të mëdha parash dhe sende me vlerë në një banesë në Durrës, arrestohen dy autorët

22 Nëntor 2026 | 12:16

Dy persona, një 51-vjeçar dhe një 24-vjeçare, janë arrestuar nga Policia e Durrësit, pasi dyshohet se janë autorët e vjedhjes së një banese në Durrës.

Sipas njoftimit të policisë, në pranga kanë rënë A. R., 51 vjeç dhe S. L., 24 vjeçe, të cilët, në bashkëpunim me njëri-tjetrin, kanë arritur të marrin rreth 22 000 euro, 800 000 lekë, ora dore të markave të shtrenjta, bizhuteri të ndryshme, parfume, çanta të markave të shtrenjta dhe sende të tjera me vlerë nga banesa e shtetasit A. G., në lagjen nr. 4, Durrës.

Po nga hetimet rezulton se shtetasi A. R. i ka çuar sendet e vjedhura në banesën e shtetases S. L., në Lushnjë, e cila kishte dijeni për vjedhjen dhe ka bashkëpunuar me këtë shtetas për realizimin e saj.

Gjatë kontrollit të ushtruar në banesën e kësaj shtetaseje, janë gjetur dhe sekuestruar, në cilësinë e provës materiale, një pjesë e sendeve të vjedhura.

Ndërsa në banesën e shtetasit A. R. janë gjetur dhe sekuestruar mjetet me të cilat ka kryer vjedhjen, maska, çelësa dhe veshjet e përdorura gjatë kryerjes së saj.

Në bashkëpunim me Prokurorinë vijon puna për gjetjen e pjesës tjetër të sendeve dhe parave të vjedhura në banesën e shtetasit A. G., si dhe për dokumentimin me prova ligjore të vjedhjeve të tjera që dyshohet se janë kryer nga këta shtetas.

Materialet procedurale i janë referuar Prokurorisë për veprime të mëtejshme hetimore, për veprën penale “Vjedhja”, e kryer në bashkëpunim.

Home Kryefaqja
Shiko në: YouTube
Lajme të Sugjeruara

Protesta e së shtunës në Tiranë, Policia procedon 10 persona dhe vendos 13 gjoba

Policia e Tiranës ka proceduar penalisht këtë të diel 10 persona, pas përfshirjes së tyre në protestën e zhvilluar ditën e djeshme. Sipas njoftimit të...
12:08 | 22/11/2026

Spiropali: Nuk pendohem, nuk gjunjëzohem dhe nuk pres mëshirë prej askujt

Deputetja e Partisë Socialiste Elisa Spiropali ka reaguar këtë të dielë në rrjetin social Facebook pas mbledhjes së Asamblesë së PS-së, ku u përjashtua nga...
11:39 | 22/11/2026

Veliaj refuzon të paraqitet në spitalin e Fierit për analizat para operacionit: I jam drejtuar GJKKO-së

Kryetari i bashkisë së Tiranës, Erion Veliaj, ka refuzuar të paraqitet këtë të diel në spitalin Memorial të Fierit për t’iu nënshtruar analizave mjekësore para...
11:38 | 22/11/2026