30 trafikantë shqiptarë droge janë burgosur në Mbretërinë e Bashkuar vetëm brenda një muaji.
Sipas artikullit të The Sun të cilit i referohet Top Channel, ata u dënuan me gjithsej 126 vjet burg për vepra penale të Klasit A në shtator, duke u kushtuar taksapaguesve një total prej 7.9 milionë paundësh.
Po atë muaj, 24 shtetas të tjerë shqiptarë u paraqitën para gjykatave të magjistratëve në Londër të akuzuar për posedim lëndësh narkotike me qëllim furnizimi.
Por The Sun zbulon se edhe pas këtyre arrestimeve, rekrutët nuk mungojnë teksa gazeta angleze ka zbuluar falë postimet në TikTok të zbuluara që bëhen për të punësuar persona të rinj.
Një llogari ka 135 reklama për trafikantë në Bristol, Londër, Reading, Blackburn, Wigan dhe Portsmouth.
Ajo paraqet video tërheqëse që tregojnë tufa parash, makina lukzose dhe djem me maska të zeza e me emoji me flokë dëbore, kod për kokainë.
Një ofron 2,100 paund në javë në Mançester, plus transport, karburant dhe akomodim falas.
Një ekspert për krimin e organizuar shqiptar tha se përdoruesit mund të blejnë një gram kokainë për vetëm 40 paund dhe ta marrin atë në shtëpitë e tyre në atë që është quajtur “Deliveroo for drugs”.
“Sapo një shqiptar në fund të dënimit të tij deportohet, vendi i tij në burg zihet nga një tjetër shqiptar. Në një burg në Uells, një krah i është kushtuar tërësisht atyre. Çdo ditë kriminelët shqiptarë paraqiten para gjykatave. Ata janë kryesisht emigrantë të paligjshëm që mbërritën me anije të vogla, ose që paguan deri në 20,000 paund për t’u kontrabanduar në pjesën e pasme të kamionëve”, thotë eksperti.
“Dhe sapo një trafikant droge shqiptar burgoset, kartelet e zëvendësojnë atë me një ushtar tjetër shqiptar të rekrutuar nëpërmjet reklamave në TikTok ose në media të tjera sociale”, përfundoi ai.









