Abissnet Superiore në RTSH/ Bellai: Barazimi i drejtë, por Tirana ishte më mirë!
Trajneri i Vorës pas ndeshjes së barazuar pa gola përballë Tiranës ishte i kënaqur me pikën e marrë. Sipas Arjan Bellait ai dhe të tijtë ishin të vetëdijshëm për forcën e rivalit.
“Ndeshjen e kemi përgatitur si duhet pasi përpara se të fillonte u thash djemve se të paktën duhet që të merrnim një pikë. Them se barazimi ishte i drejtë, por Tirana kishte epërsinë më të madhe në fushë me vendosjen e saj. Tirana është ekip i madh, nuk mund ta hedhim poshtë. E dinim që kishim përballë një ekip me cilësi”, tha Bellai.
Në 12 javë Vora e tij ka grumbulluar 13 pikë. I pyetur për situatën e krijuar në tabelën e klasifikimit sipas trajnerit të Vorës eksperienca nuk mund të konsiderohet më si alibi për të besuarit e tij. “Nuk jemi të kënaqur me pikët e grumbulluara deri më tani. Mendoj se na duhet pak më shumë ego në fushë dhe duhet të pranojmë se eksperiencën në Superiore e kemi tashmë”, arsyetoi Bellai. A.V.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




