VIDEO/ Gol përrallor nga Kevin Dodaj, çmend stadiumin
Futbollisti shqiptar Kevin Dodaj ka qenë protagonist i një fitoreje dramatike të Lechia Gdanskut, duke realizuar një gol spektakolar në minutat shtesë të ndeshjes ndaj Odrës së Opoles.
Skuadra polake triumfoi me rezultatin 2-1 në shtëpi, në një përballje të vlefshme për javën e 15-të të kampionatit, ndërsa goli i sulmuesit shqiptar vulosi tri pikët për vendasit.
Dodaj u shndërrua në heroin e takimit në minutën e 90+1, kur pas një goditjeje këndi të Lechias, topi u largua nga mbrojtja kundërshtare dhe përfundoi në këmbët e 20-vjeçarit. Pa u menduar gjatë, futbollisti kuqezi lëshoi një goditje të fuqishme fluturimthi nga rreth 25 metra, duke e dërguar topin në rrjetë dhe duke ngritur në këmbë tifozët në stadium.
I fucking love football, I do.
Kevin Dodaj, chapeau bas! #LGDODRhttps://t.co/gmXG9gRcTKpic.twitter.com/cR3zS46DmIReklamë— Tomek 🚶♂️ (@ffsTeekay) November 22, 2026
Një realizim i jashtëzakonshëm, që i dha fund një sfide të luftuar dhe i siguroi Lechia Gdanskut një fitore të rëndësishme në garën për ngjitjen në elitën e futbollit polak.
Skuadra vendase e nisi ndeshjen në disavantazh, pasi Odra kaloi në epërsi që në minutën e dytë me anë të Nemanja Miluskovicit. Lechia reagoi në fundin e pjesës së parë, kur Vladislav Błanuta barazoi shifrat, ndërsa në minutat shtesë Dodaj realizoi golin vendimtar.
Ky ishte goli i pestë i Kevin Dodajt në kampionat këtë sezon, ndërsa Lechia regjistroi fitoren e gjashtë radhazi në shtëpi dhe vijon të qëndrojë në zonën e sipërme të tabelës.
Futbollisti shqiptar, i cili është pjesë e Lechia Gdanskut në formë huazimi nga CSKA Sofia, po konfirmohet si një nga lojtarët e rëndësishëm të skuadrës polake.




