Milani spektakolar, shkatërron Frosinonen dhe rimerr vendin e katërt

Milani spektakolar, shkatërron Frosinonen dhe rimerr vendin e katërt

19:56, 22/11/2026

Milani ka regjistruar një fitore të thellë 5-1 ndaj Frosinones në “San Siro”, në ndeshjen e vlefshme për javën e 12-të të Serie A. Kuqezinjtë e drejtuar nga Ruben Amorim dhuruan një mbrëmje spektakolare, duke marrë tri pikë të rëndësishme dhe duke u rikthyer në vendin e katërt të renditjes.

Skuadra vendase e zhbllokoi rezultatin që në minutën e katërt, kur Calvani devijoi në portën e tij një top të dërguar në zonë nga Adrien Rabiot, pas një pasimi të bukur të Luka Modric. Në minutën e 19-të, Milani dyfishoi shifrat me Gonçalo Ramos, i cili përfitoi nga një tjetër asist i Rabiot për të realizuar golin e tij të parë pas më shumë se një muaji.

Frosinone reagoi në minutën e 25-të, duke ngushtuar diferencën me Patrizio Masinin, i cili përfitoi nga një top i mbetur në zonë pas një aksioni të miqve. Pjesa e parë u mbyll me avantazhin 2-1 të Milanit.

Milan - Frosinone 2-1

Në fraksionin e dytë, kuqezinjtë nuk i lanë shumë hapësirë kundërshtarit. Vetëm katër minuta pas rifillimit të lojës, Ardon Jashari, i aktivizuar në fillim të pjesës së dytë, realizoi golin e tretë me një goditje në shtyllën e parë, duke befasuar portierin Palmisani.

Goli fantastik i Jasharit

Në minutën e 61-të ishte radha e Cisse për të shënuar golin e katërt. Fillimisht rrjeta e tij u anulua për pozicion jashtë loje, por pas verifikimit nga VAR, arbitri e akordoi golin, që ishte i nënti këtë sezon për sulmuesin.

Milan - Frosinone 4-1

Spektakli u kompletua në minutën e 68-të nga Christian Pulisic. Amerikani përshkoi rreth 70 metra në një kundërsulm të shpejtë dhe e mposhti portierin me një parabël të bukur, duke vulosur rezultatin 5-1.

Milan - Frosinone 5-1

Kjo ishte fitorja e tretë radhazi për Milanin, që rimerr vendin e katërt në kampionat. Në krahun tjetër, Frosinone pësoi humbjen e dytë radhazi.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco