DJ Bujaka nuk njeh ”stop”! Pas suksesit të bashkëpunimit me Mimoza Ahmetin dhe një vere të mbushur plot me mbrëmje muzikore, artisti është gati të sjellë një tjetër surprizë që pritet të tërheqë vëmendjen e publikut.
DJ Bujaka ka ndezur kureshtjen e ndjekësve me një paralajmërim misterioz për projektin e radhës. Një bashkëpunim i ri po vjen dhe nga sa mësojmë, këtë herë bëhet fjalë për një rikthim mjaft interesant muzikor.
Por çfarë fshihet pas kësaj surprize?
Bëhet fjalë për një ripërpunim të një prej hiteve të viteve të fundit, i cili do të vijë në një version krejt tjetër, i përshtatur me tingujt dhe ritmet e DJ Bujakës që tashmë po karakterizojnë projektet e artistit. Dhe këtu vjen edhe pjesa më interesante: në këtë projekt do të jetë e përfshirë një artiste femër, emri i së cilës për momentin po mbahet sekret, edhe pse mund të tregojmë se emri i saj nis me E.
Puna ka nisur dhe publiku duhet të presë pak ditë për të shijuar këtë bashkëpunim.