Kryetari i PDK-së, Bedri Hamza, ka paralajmëruar forma të reja të veprimit politik, institucional dhe juridik përballë krizës institucionale në Kosovë.
“Durimi ynë institucional nuk duhet të ngatërrohet me pranimin e paligjshmërisë”, tha Hamza, duke theksuar se situata nuk është më një mosmarrëveshje e zakonshme politike, por çështje që prek rendin kushtetues.
“Kjo nuk është betejë për pushtet. Është betejë për kufijtë e pushtetit”, deklaroi ai, duke kërkuar respektimin e Kushtetutës dhe vendimeve të gjykatave.
Hamza tha se PDK-ja nga tani do të veprojë për “ta rikthyer ligjshmërinë” në vend.