Influenceri i njohur Laurent Krasniqi është përcjellë sot për në banesën e fundit, pas ndarjes tragjike nga jeta një ditë më parë, si pasojë e një aksidenti me motor.
Vdekja e tij e parakohshme ka tronditur familjarët, miqtë dhe ndjekësit e shumtë që e njihnin dhe e ndiqnin në rrjetet sociale. Lajmi i rëndë ka sjellë reagime të shumta, ndërsa shumë prej tyre kanë shprehur dhimbjen dhe ngushëllimet për familjen e tij.
Pas ceremonisë së varrimit, motra e Laurentit ka ndarë në Instagram një fotografi të vëllait të saj, të shoqëruar me një dedikim emocional.
“Oj dashnia e motrës që ma thajte shpirtin, s’di qysh kom me vazhdu me jetu pa ty, vllau jem”, ka shkruar ajo, duke shprehur dhimbjen e thellë për humbjen e të vëllait.
Mesazhi i saj ka prekur ndjekësit, duke përcjellë edhe një herë dhimbjen e madhe që ka lënë pas kjo humbje e papritur në familjen e Laurentit.
