Gara për “Topin e Artë” këtë vit pritet të jetë më e paparashikueshme se kurrë. Ndryshe nga edicionet e kaluara, nuk ka një favorit të padiskutueshëm për çmimin prestigjioz, ndërsa emra si Lamine Yamal, Kylian Mbappé, Harry Kane dhe Ousmane Dembélé shihen si kandidatët kryesorë.
France Football do të publikojë më 8 shtator listën me 30 finalistët, ndërsa fituesi do të mësohet më 26 tetor, gjatë ceremonisë që do të zhvillohet në Londër.
Në një garë që pritet të vendoset me diferenca minimale, çdo paraqitje e re mund të ketë peshë të madhe. Një sinjal të fortë ka dhënë Lamine Yamal, i cili shkëlqeu në sfidën e fundit të La Ligës ndaj Rayo Vallecanos, duke realizuar dy gola.
Me këtë dopietë, ylli i Barcelonës hyri edhe më shumë në historinë e futbollit. Në moshën 19 vjeç e 49 ditë, Yamal u bë lojtari më i ri që arrin kuotën e 50 golave, duke thyer rekordin e mbajtur më parë nga Kylian Mbappe.
Edhe francezi ka nisur në mënyrë spektakolare sezonin e ri. Mbappeka shënuar 4 gola në tri javët e para të La Ligës, duke konfirmuar se është gati të luftojë deri në fund për çmimin individual.