Për shkak të zjarrit të rënë në zonën e Levanit në Fier, 3 persona janë paraqitur me shenja asfiksie për të marrë ndihmë mjekësore në Spitalin Memorial Fier.
Përmes një njoftimi, Ministria e Shëndetësisë bën të ditur se 9 mjekë dhe infermierë të Qendrës Shëndetësore Levan dhe dy autoambulanca me personel shëndetësor nga Spitali Rajonal Fier janë angazhuar në terren, për çdo situatë të mundshme.
Strukturat shëndetësore janë vënë në gatishmëri të plotë në zonën e Levanit, në vijim të situatës së krijuar nga zjarret.
Në terren janë angazhuar 9 mjekë dhe infermierë të Qendrës Shëndetësore Levan, si dhe dy autoambulanca me personel shëndetësor nga Spitali Rajonal Fier.
Njëra prej autoambulancave është stacionuar në Levan, ndërsa tjetra qëndron në gatishmëri për ndërhyrje sipas nevojës.
Deri më tani, tre persona janë paraqitur me shenja asfiksie nga tymi dhe kanë marrë menjëherë ndihmën e nevojshme mjekësore.
Për çdo rast të mundshëm të urgjencës kardiake është koordinuar gjithashtu trajtimi pranë Spitalit Memorial Fier, me qëllim garantimin e ndërhyrjes së shpejtë dhe të specializuar.a.b
