Një ngjarje e rëndë është regjistruar në Prizren, ku një 80-vjeçare është gjetur pa shenja jete në banesën e saj. Policia e Kosovës dyshon se gruaja është vrarë nga bashkëshorti i saj, 81 vjeç.
Ngjarja është raportuar më 26 gusht, rreth orës 01:30. Shërbimet e Policisë dhe ekipi mjekësor kanë mbërritur në banesë, ku kanë konstatuar vdekjen e gruas.
Gjatë këqyrjes së vendit të ngjarjes, hetuesit policorë dhe ekspertët e mjekësisë ligjore kanë ngritur dyshime se rasti lidhet me veprën penale “Vrasje e rëndë”.
Sipas të dhënave paraprake të Policisë, lëndimet në trupin e viktimës dyshohet se janë shkaktuar me forcën e duarve, pa përdorimin e armëve apo mjeteve të tjera.
Bashkëshorti i 80-vjeçares është arrestuar dhe po mbahet nën masat procedurale, ndërsa hetimet vijojnë për zbardhjen e plotë të rrethanave dhe motivit të ngjarjes.a.b
