Një tjetër talent me origjinë shqiptare duket se po largohet nga radarët e Kombëtares kuqezi. Adri Mehmeti, vetëm 17 vjeç, është përfshirë në listën e kombëtares së Shteteve të Bashkuara të Amerikës për ndeshjet ndërkombëtare të muajit shtator.
Trajneri i SHBA-së, Mauricio Pochettino, ka publikuar listën e futbollistëve të grumbulluar për sfidat ndaj Perusë dhe Kilit, ku mes emrave të përzgjedhur është edhe Mehmeti.
17-vjeçari ka spikatur me paraqitjet e tij në Major League Soccer, duke tërhequr vëmendjen e stafit teknik të kombëtares amerikane. Për të, SHBA-ja nuk është një zgjedhje krejt e panjohur, pasi Mehmeti ka përfaqësuar më herët edhe Shqipërinë, në nivelin U15.
Megjithatë, tashmë talenti shqiptar do të ketë mundësinë të veshë fanellën e kombëtares amerikane, duke e bërë situatën e tij edhe më të rëndësishme sa i përket zgjedhjes së përfaqësueses që do të përfaqësojë në të ardhmen.
Adri Mehmeti është përfshirë në listën e mesfushorëve të grumbulluar nga Pochettino, ku bëjnë pjesë edhe emra si Tyler Adams, Yunus Musah, Gio Reyna dhe Malik Tillman.
Lista e SHBA-së
Portierë: Chris Brady, Matt Freese, Diego Kochen, Brian Schwake.
Mbrojtës: George Campbell, Sergiño Dest, Alex Freeman, Peyton Miller, Neil Pierre, Chris Richards, Antonee Robinson, Miles Robinson, Auston Trusty, Frankie Westfield.
Mesfushorë: Tyler Adams, Mathis Albert, Sebastian Berhalter, Zavier Gozo, Adri Mehmeti, Yunus Musah, Brooklyn Raines, Gio Reyna, Malik Tillman.
Sulmues: Cole Campbell, Justin Ellis, Julian Hall, Ricardo Pepi, Cavan Sullivan.