Nuk ka pasur surpriza në listën e kombëtares së Anglisë për ndeshjet e ardhshme të Nations League. Trajneri i “Tre Luanëve” ka vendosur të mos grumbullojë tre lojtarët e Interit, Jones, Spence dhe Stones.
Vendimi nuk ka ardhur si befasi, duke marrë parasysh situatën e secilit prej tyre. Spence ende nuk ka debutuar me Interin, ndërsa gjendja e tij fizike pas Kupës së Botës nuk ka qenë optimale. Edhe Stones nuk është përfshirë në listë, pasi pësoi një problem fizik në ndeshjen e fundit ndaj Udineses.
I vetmi prej tyre që kishte më shumë mundësi për t’u grumbulluar ishte Curtis Jones. Megjithatë, mesfushori ka luajtur pak minuta në fillimin e këtij sezoni dhe ende nuk është përshtatur plotësisht me mekanizmat e mesfushës së Interit.
Përjashtimi nga grumbullimi me Anglinë mund të jetë një mundësi e mirë për trajnerin Cristian Chivu. Pauza trejavore do t’i japë teknikut rumun kohën e nevojshme për të punuar me lojtarët, për t’i rikthyer në formën optimale dhe për t’i integruar më mirë në skemat e tij të reja.
Në këtë mënyrë, Chivu shpreson që pas rikthimit të kampionatit të ketë në dispozicion një Jones, Spence dhe Stones më të gatshëm fizikisht dhe më të përshtatur me idetë e tij taktike.