Kryeministri izraelit Benjamin Netanyahu mbrojti me forcë fushatat ushtarake të vendit të tij në Iran, Gaza dhe gjetkë në Lindjen e Mesme, gjatë fjalimit të tij në Asamblenë e Përgjithshme të OKB-së. Pasi dhjetëra delegatë u larguan në shenjë proteste ndërsa ai po ngjitej në podium, Netanyahu u zotua se do të vazhdojë luftën: "Ne do të fitojmë. Nuk kemi zgjidhje tjetër." Në përgjigje të largimit të tyre, ai tha: "Nëse ka ndonjë frikacak tjetër që nuk është larguar ende nga salla, ju lutem ta bëjë tani." Udhëheqësi izraelit hodhi poshtë gjithashtu akuzat se Izraeli po kryen gjenocid në Gaza. Disa orë më herët, në një mesazh të regjistruar, presidenti palestinez Mahmoud Abbas i tha OKB-së se politikat izraelite, veçanërisht zgjerimi i paligjshëm i vendbanimeve hebreje në Bregun e okupuar Perëndimor, kërcënonin "jetën dhe ekzistencën e popullit palestinez në atdheun e tij".