Një aksident me pasojë vdekjen është shënuar pak më parë në Maliq, ku ka humbur jetën një 43-vjeçar.
Sipas informacioneve paraprake, 43-vjeçari kishte ndaluar automjetin dhe po nxirrte disa rroba nga bagazhi. Në këto momente, dyshohet se makina ka rrëshqitur dhe, teksa ai tentoi ta ndalonte, është zënë poshtë nga mjeti.
Si pasojë e plagëve të marra, 43-vjeçari ka ndërruar jetë. Në vendngjarje ndodhet policia, e cila po heton për të përcaktuar rrethanat e plota të aksidentit.