Nga Edmond Spaho-
Ndiqeni këtë intervistë dhe do të kuptoni përse PD-ja nuk vjen në pushtet dhe pse vështirë se do të vijë për sa kohë opozita është në duart e këtyre njerëzve.
“Jemi në narkoregjim”, thotë. “Nuk kemi çfarë t’i bëjmë narkoregjimit. Rama nuk rrëzohet me votë. Protestat nuk vlejnë.”
Por, pasi deklaron se Rama nuk rrëzohet me votë, njofton se do të marrin pjesë në zgjedhjet e ardhshme, në Tiranë dhe në gjithë Shqipërinë!
Atëherë, për çfarë ua kërkoni votën qytetarëve, kur vetë u thoni se vota nuk sjell ndryshim? Përse u kërkoni të protestojnë, kur vetë shpallni se protestat nuk vlejnë?
Një opozitë që u thotë njerëzve se çdo rrugë është e mbyllur, ua shuan besimin dhe i dorëzon përpara pushtetit. Me këtë qëndrim, ajo e ndihmon Ramën të qëndrojë në pushtet.
Thuaj pastaj se Ramën nuk e mbajnë edhe këta në pushtet! Opozitë tërësisht e shpartalluar, që kërkon vota, por nuk ofron besim!
Përplasje e fortë në emision mes Flamur Nokës dhe Nikoll Lesit / KOHA JONE-DEBAT