Papa Leo XIV ka njoftuar se do t’i nënshtrohet një operacioni në ditët në vijim për të hequr një lezion nodular në mushkëri, i cili u zbulua së fundmi gjatë kontrolleve mjekësore. 71-vjeçari theksoi se noduli ishte gjetur në një fazë të hershme dhe ishte “i kufizuar” ose i lokalizuar mirë. Vatikani më vonë konfirmoi se Leo do t’i nënshtrohej ndërhyrjes kirurgjikale në ditët e para të kësaj jave, me një kohë rikuperimi të pritshme prej rreth një jave.
Papa amerikan e bëri këtë njoftim gjatë bekimin e tij të së dielës në mesditë, duke falënderuar turmën për afërsinë dhe duke iu besuar lutjeve të tyre. Sipas Shoqatës Amerikane të Kancerit, një nodul mushkërie është një zonë e vogël anormale, më pak se 3 cm, që shfaqet në skanimet CT, shpesh për arsye të palidhura me kancerin. Leo nuk ka pasur probleme shëndetësore të njohura më parë dhe konsiderohet fizikisht aktiv.
Papa ka një udhëtim të gjerë të planifikuar në Uruguaj, Argjentinë dhe Peru nga 6 deri më 17 nëntor. Edhe pse është e paqartë nëse operacioni dhe rikuperimi do të ndikojnë në itinerar, Leo deklaroi më herët në fjalën e tij të dielën se planifikon të shkojë. Ai shpjegoi se mjekët besojnë se është më mirë të veprohet, prandaj, duke ndjekur këshillat e tyre, ka vendosur të operohet.
Operacioni pritet të kryhet në spitalin Gemelli të Romës, një institucion ku janë trajtuar edhe paraardhësit e tij, përfshirë Papa Françeskun. Kryeministrja italiane, Giorgia Meloni, shprehu mbështetjen e saj dhe të qeverisë italiane për Leon, ndërsa ai “përballet me këtë sfidë në ditët në vijim”, duke shtuar se “qetësia dhe kthjelltësia me të cilën foli për këtë” ishin qetësuese.
Marrë nga The Guardian