Kylian Mbappe është vetëm një ndeshje larg arritjes së kuotës së 100 paraqitjeve në UEFA Champions League, një rekord që mund ta bëjë atë lojtarin më të ri në histori që arrin këtë shifër, duke lënë pas Lionel Messin.
Sipas gazetës spanjolle Mundo Deportivo, sulmuesi francez i Real Madridit ka zhvilluar deri tani 99 ndeshje në kompeticionin më të rëndësishëm europian për klube. Në këtë rrugëtim, Mbappé ka regjistruar 9 paraqitje me Monacon, 64 me Paris Saint-Germain dhe 26 me fanellën e Real Madridit.
Në moshën 27-vjeçare, Mbappé ka mundësinë të thyejë rekordin e Messit, i cili arriti 100 ndeshje në Champions League kur ishte 28 vjeç e 84 ditësh. Francezi mund ta shkruajë emrin në histori nëse aktivizohet në përballjen e ardhshme ndaj Romës.
Për më tepër, historia mund të përsëritet në mënyrë simbolike. Në shtator të vitit 2015, Messi e arriti këtë kuotë pikërisht në një ndeshje kundër klubit italian.
