Tensionet në Tiranë gjatë protestës studentore janë shoqëruar edhe me incidente ndaj bizneseve private. Një ngjarje është regjistruar në zonën e ”21 Dhjetorit”, ku Policia e Shtetit ka ndaluar dy persona nga komuniteti rom, të cilët u gjetën me një karrocë të mbushur me pije, kroasantë, patatina dhe produkte të tjera. Sipas informacioneve paraprake, produktet dyshohet se ishin marrë nga një tabakino pranë vendit të ngjarjes, e cila ishte sulmuar nga protestuesit. Dy personat kanë mohuar të kenë hyrë në biznes për të marrë mallrat, duke pretenduar se i kanë mbledhur produktet pasi i kanë gjetur të shpërndara në tokë.
Polici: Ku i more këto?
Djali: Pasha Zotin, në tokë!
Polici: Në tokë ë? Hajde këtu hajde! Në tokë i gjete të gjitha këto?
Djali: Po!
Gazetarja: Ka marrë gjërat te tabakinoja?
Polici: Te tabakinoja aty!
Djali: Jo, i kemi gjetur aty, pasha Zotin!
Polici: Ku i gjete, te tabakino?
Djali: Në tokë, pasha Zotin!
Polici: S’të pamë ne?