Paris Saint-Germain ka triumfuar 4-2 ndaj Manchester Cityt, në një përballje spektakolare, ku skuadra franceze siguroi një avantazh të rëndësishëm që në pjesën e parë dhe arriti ta menaxhojë deri në fund.
PSG e mbylli fraksionin e parë me epërsi prej tre golash, ndërsa City reagoi pas pushimit. Erling Haaland ngushtoi diferencën në minutën e 53-të, duke rikthyer shpresat e anglezëve.
Megjithatë, Akliouche realizoi golin e katërt për vendasit në minutën e 62-të, duke e çuar rezultatin në 4-1. Manchester City nuk u dorëzua dhe Haaland shënoi sërish në minutën e 75-të, duke ngushtuar shifrat në 4-2. Në fund, PSG fitoi një penallti, por Donnarumma ndali goditjen e Torres.
Real Madrid ka triumfuar 4-3 ndaj Romës në një ndeshje spektakolare në “Olimpico”, e vlefshme për javën e dytë të Champions League.
Verdhekuqtë kaluan në avantazh në minutën e 20-të me një goditje fantastike nga distanca, por Mbappe barazoi pesë minuta më vonë. Në pjesën e dytë, Roma shënoi dy herë me Malen, në minutat 51 dhe 58, duke krijuar epërsinë 3-1.
Megjithatë, madrilenët nuk u dorëzuan. Carlos Espi ngushtoi diferencën në minutën e 83-të, ndërsa Endrick barazoi shifrat tre minuta më vonë. Kur gjithçka dukej drejt barazimit, Antonio Rudiger realizoi golin vendimtar në minutën e 90-të, duke vulosur fitoren e Real Madridit me rezultatin 3-4.
