Profesor Doktor Maksim Meço, pedagog në Universitetin “Aleksandër Moisiu” të Durrësit, është plagosur në fytyrë pasi është goditur me plumb gome gjatë protestës në Bulevardin “Dëshmorët e Kombit”.
Meço u qëllua nga një distancë prej rreth 7–8 metrash, ndërsa ndodhej në mbështetje të studentëve. Goditja i shkaktoi një plagë, por ai i shpëtoi dëmtimit të syrit dhe shikimit.
Profesori u transportua me ambulancë në Spitalin e Traumës, ku iu nënshtrua ndërhyrjes dhe ekzaminimeve mjekësore.
Maksim Meço ka 36 vite përvojë universitare. Ai është pedagog aktual në Universitetin “Aleksandër Moisiu” të Durrësit dhe ka mbajtur më parë detyrat e zëvendësdekanit dhe dekanit për disa vite në Fakultetin Ekonomik të Universitetit Bujqësor të Tiranës.
Profesori ka qenë pjesëmarrës i vazhdueshëm në protestën qytetare, e cila në mbrëmjen e ngjarjes shënoi natën e 140-të, dhe kishte dalë në bulevard për të mbështetur studentët.a.b
