“Pa dorëheqje nuk ka dialog”- Protestuesit përmbysin karriget e vendosura nga Rama para Kryeministrisë (VIDEO)

Protestuesit e mbledhur para kryeministrisë duket se kanë refuzuar thirrjen për dialog të kryeministrit Edi Rama pasi kanë hequr karriget e vendosur në mënyrë simbolike nga kryeministri para godinës së qeverisë.

Me thirrje ‘nuk ka dialog’ studentët e mbledhur para Kryeministrisë të shoqëruar edhe nga pedagogët e tyre ata kanë hequr karriget ndërsa refuzojnë çdo ftesë për t’u ulur në bisedime.

Para godinës së qeverisë ka qenë e pranishme Manjola Hasa drejtoreshë e MIA e cila është ofruar si kanal komunikim për dialog kryeministrin gjë që është refuzuar duke u shoqëruar me thirrjet: ‘dorëheqje’.

“Kush do dialog, ku të dojë, kur të dojë, edhe këtu po të dojë, unë jam në dispozicion së bashku me qeverinë”, tha kryeministri Rama në një videomesazh mëngjesin e së martës pasi vendosi disa karrige të kuqe me mbishkrimin “dialog” para kryeministrisë.

Po ashtu ai ka theksuar se nuk janë të mirëpritur dhe nuk do të dialogojë me ata që kryejnë akte dhune.