Prokurori serb Rade Bajiq (Rade Bajić), i cili po hetonte dyshimet për korrupsion rreth projektit të rrëzuar për ndërtimin e një kulle Trump dhe një kompleksi luksoz në Beograd, u bë shënjestër e një sulmi kibernetik përmes softuerit të fuqishëm spiun Pegasus. Sipas hetimeve, prokurori serb kishte deklaruar se ishte njofruar nga aparati I tij celular se ishte vënë në shënjestër më 13 gusht, nga një sulm kibernetik. Sipas prokurorit, përfshirja e tij në hetimin e çështjes së kullës Trump ishte "arsyeja e vetme" e këtij sulmi të paligjshëm, pasi ai foli publikisht kundër ndërhyrjeve politike dhe abuzimeve me pushtetin në vend. Çështja penale ka të bëjë me skemën e dyshuar të paligjshme të presidencës Vuçiç për t'i hequr statusin e mbrojtur kulturor ish-Shtabit të Përgjithshëm të Armatës Jugosllave, i bombarduar nga NATO në vitin 1999. Ky truall pritej t'i jepjej kompanisë Affinity Partners të Jared Kushner (dhëndri i Donald Trump) për një projekt prej 500 milionë dollarësh. Hetimet e prokurorisë çuan në arrestime dhe ngritje aktakuzash ndaj zyrtarëve të lartë serbë, përfshirë Ministrin e Kulturës, Nikola Selakoviq. Sipas analistëve, ky skandal spiunazhi ndaj zyrtarëve dhe figurave akademike opozitare po përdoret nga qeverisja serbe për të minuar hetimet e pavarura.