Edi Rama ka një plan për të destabilizuar vendin, që të fajësojë studentët për këtë, vetëm që të ruaj pushtetin e tij. Jep dorëheqjen menjëherë, theksoi sot kreu i PD, Sali Berisha.
Kryetari i Partisë Demokratike, Sali Berisha u është drejtuar përsëri qytetarëve shqiptarëve që të dalin në mbështetje të studentëve dhe të rinjve, që kanë hyrë në ditën e 9-të të protestës së tyre.
Me anë të një video mesazhi, lideri i opozitës shqiptare, Sali Berisha, akuzon Edi Ramën se është duke thurur një plan për të destabilizuar Shqipërinë dhe fajin të ua hedhë studentëve.
‘Edi Rama ka një plan tjetër diabolik, për të cilin paralajmëroj çdo qytetar shqiptar.
Edi Rama ka një plan për të destabilizuar vendin, që të fajësojë studentët për këtë, vetëm e vetëm që të ruaj pushtetin e tij.
Platforma e tij për destabilizim synon të bëj krime, vrasje dhe të fajësoj studentët për to, në mënyrë që shqiptarët ti kthej kundra tyre.’, tha Berisha gjatë videomesazhit për qytetarët shqiptarë.
Ai ka denoncuar edhe bandidët me maska që dalin nga zyrat e Ministrisë së Brendshme dhe infiltrohen mes protestuesve me qëllim që ti ndalojnë dhe arrestojnë ata.
‘Një grup personash me dopio maska, janë filmuar ditën e djeshme duke dalë nga ministra e brendshme me fytyrë te mbuluar me maskë të zezë, por dhe me maskën tjetër duke thirrur ‘Rama në burg’ me qëllime për të mësyrë bizneset private dhe realizuar krime të tjera ndaj protestuesve që tu faturohen studentëve.
Fatmirësisht ishte meritë e mediave, që kapën na flagrancë me video’, u shpreh kryetari i PD-së gjatë videomesazhit të tij.
Videomesazhi i plotë i kryetarit të PD, Sali Berisha:
Hipokrizia dhe cinizmi i padrinos vazhdon, vetëm pak orë pasi zhyti Tiranën nën terrorin e mercenarëve të paguar.
Pasi mbuloi për orë të tëra rresht qiellin e Tiranës me re të zeza gazi lotësjellës dhe djegës.
Pasi përdori bomba shurdhuese dhe breshëritë e plumbave të gomës duke çarë barkun dhe shpuar kafkën e studentëve heronj.
Dhe pasi ju ripërsëriti si mizor shqiptarëve mbrëmë, pamje të mirëfillta lufte, Edi Rama vazhdon hipokrizinë e tij, cinizmin e tij ekstrem duke ftuar studentët në dialog.
Por kësaj here nuk vendosi karrige luksi, por plastike e teneqeje.
E përsëris edhe një herë;
Edi Rama jep dorëheqjen e menjëhershme! Jep dorëheqjen ose do të kesh së shpejti fatin e atyre karrigeve që nxjerr përditë para ndërtesës tënde, kryeministrisë!
Jep dorëheqjen, pasi vetëm dorëheqja e fut vendin në shinat e normalitetit.
Ditën e djeshme, plani i Edi Ramës për terrorin e kuq dështoi.
Falë heroizmit të studentëve të cilët nuk u frikësuan përpara dhunës dhe terrorit, por dhe falë pedagogëve guximtar, që duke dalë në mbështetje të studentëve te tyre, fëmijëve të shqiptarëve, e shkërmoqën strategjinë e dhunës dhe terrorit e kuq.
Por Edi Rama ka një plan tjetër diabolik, për të cilin paralajmëroj çdo qytetar shqiptar.
Edi Rama ka një plan për të destabilizuar vendin, në mënyrë që të fajësojë studentët për këtë destabilizim, vetëm e vetëm që të ruaj karrigen e tij, pushtetin e tij të krimit.
Platforma e tij për destabilizim synon të bëj krime, vrasje dhe të fajësoj studentët për to, në mënyrë që shqiptarët ti kthej kundra tyre.
Kjo u duk qartë dje;
Një grup personash me dopio maska, janë filmuar ditën e djeshme duke dalë nga Ministra e Brendshme me fytyrë te mbuluar me maskë të zezë, por dhe me maskën tjetër duke thirrur
‘Rama në burg’ me qëllime për të mësyrë, sulmuar bizneset private dhe realizuar krime të tjera ndaj protestuesve që tu faturohen studentëve.
Fatmirësisht ishte meritë e mediave, që e kapën na flagrancë me video, këtë grup terrorist që u lëshua nga ambientet e ministrisë se krimit, e cila parandaloj një tragjedi absolutisht të stisur nga Edi Rama.
Ftoj qytetarët të bashkohen sot me studentët, si e vetmja mënyrë për tu ndarë sa me shpejt me Padrinon dhe narkoshtetin e tij.
Në videomesazhin e tij të sotëm, Edi Rama gjysmën e kohës foli për dialogun, ndërsa gjysmën tjetër vijoi kërcënimet e tij, pjesë e strategjisë së terrorit të kuq.
Kërcënoi me ndëshkime konstante, ligjore, financiare etj.
Kërcënoi studentët që rreh barbarisht, me ndëshkime për ato krime, që dje tentoi të kryente vet me grupin e maskuar që lëshoi nga ministria.
Partia Demokratike garanton çdo protestues, student apo qytetar se me largimin e Padrinos nga pushteti, çdo dhunues i tyre do të ndëshkohet në përputhje me ligjet më të rrepta, dhe çdo protestues do të dekorohet dhe do të dëmshpërblehet 100% për dëmet që ka pësuar dhe dënimet e pamerituara që ka marrë.
Ndaj dhe një herë, ftoj të gjithë qytetarët të bashkohen me studentët sot.
Terrori dhe destabiliteti nga Edi Rama, nuk kanë vend në Shqipërinë e vitit 2026.
Zgjidhja për të qetësuar tensionet.
Zgjidhja për të kthyer stabilitetin dhe normalitetin në vend.
Zgjidhja për të kthyer rendin dhe sigurinë.
Zgjidhja për të shpëtuar Shqipërinë, është një dhe vetëm një.
Dhe në këtë pikë nuk është dialogu, por është thirrja më e dëgjuar sot në rrugët e Tiranës.
Është thirrja e shkruar kudo në rrjete sociale dhe nëpër muret e Tiranës.
Është thirrja e shkruar sot në zemrat e mbarë shqiptarëve
Zgjidhja është: Rama jepe dorëheqjen! a.b
