KADASTRA/ Digjitalizimi i hartave kadastrale, procesi ka përfunduar në 1,139 zona në të gjithë vendin
Digjitalizimi i hartave kadastrale vijon në të gjithë Shqipërinë. Deri më tani, procesi ka përfunduar në 1,139 zona kadastrale, ndërsa në 637 zona të tjera puna vijon për përditësimin dhe dixhitalizimin e të dhënave.
Agjencia Shtetërore e Kadastrës (ASHK) po vijon punën për digjitalizimin e hartave kadastrale, me synim përmirësimin e administrimit të të dhënave mbi pronat dhe lehtësimin e aksesit të qytetarëve në informacionin kadastral.
Përmes platformës së dedikuar në faqen zyrtare të ASHK-së, qytetarët mund të ndjekin ecurinë e procesit dhe të informohen mbi zonat ku digjitalizimi ka përfunduar, si dhe ato ku puna vijon.
Ky proces përbën një hap të rëndësishëm drejt modernizimit të shërbimeve kadastrale dhe rritjes së transparencës në administrimin e pronave në të gjithë vendin.
Për më shumë informacion, qytetarët mund të vizitojnë faqen zyrtare të Agjencisë Shtetërore të Kadastrës: www.ashk.gov.al.
360grade.al
