SPAK ka marrë të pandehur edhe pesë biznesmenë në kuadër të hetimeve që lidhen me ish-zëvendëskryeministren dhe ish-ministren Belinda Balluku.
Bëhet fjalë për Pandeli Carapulin, Arbër Abazin, Ramë Gecin, Paqësor Buzajn dhe Artan Sakon, të cilët dyshohet se janë të përfshirë në procedura tenderimi dhe përfitime të parregullta nga kontratat publike.
Sipas të dhënave, Arbër Abazi dhe Artan Sako lidhen me tenderin e Lotit 7 të Unazës së Madhe të Tiranës, ndërsa Paqësor Buzaj me tenderin e Lotit 5. Ramë Geci është përfshirë në hetimet për ndërtimin e rrugës Porto Romano-Durrës, Loti 3.
Ndërkohë, Pandeli Carapuli është marrë i pandehur për pastrim parash, në lidhje me vilën në kompleksin turistik “White Rocks” në Dhërmi.
Hetimet e SPAK përfshijnë nëntë procedura tenderimi dhe dyshime për korrupsion e pastrim parash.a.b
