Protestuesit vendosin karrige simbolike para Politeknikut, me foto të të rinjve të lënduar

Një grup protestuesish kanë zhvilluar një akt simbolik përpara Universitetit Politeknik të Tiranës, ku kanë vendosur 10 karrige, mbi të cilat kanë vendosur fotografi nga momente të ndryshme të protestave, ku disa protestues kanë mbetur të lënduar.

Pranë secilës karrige është vendosur edhe nga një letër e bardhë me mbishkrimin “Diktator”, një mesazh që studentët ia adresojnë kryeministrit Edi Rama.

Ky veprim vjen në kuadër të reagimeve dhe protestave të fundit, ku studentët kanë shprehur kundërshtinë e tyre për mënyrën e trajtimit të protestuesve.

/vizionplus.tv