Rrezikon të shtyhet sërish seanca ndaj Erion Veliajt, avokati i Ajola Xoxës ndodhet në Kinë. Ndërsa Plarent Ndreca, avokati tjetër u paraqit në gjykatë.
Në orën 10:30 të ditës së sotme ishte parashikuar të zhvillohet seanca gjyqësore ndaj kryebashkiakut të Tiranës, Erion Veliaj.
Pavarësisht anulimit të bojkotit të avokatëve, seanca rrezikon të shtyhet sërish për shkak të mungesës së avokatit Maks Haxhia, i cili përfaqëson Ajola Xoxën.
Haxhia ndodhet në Kinë për një vizitë pune jashtë vendit dhe ka depozituar në sekretarinë e gjykatës një kërkesë, ku njofton pamundësinë për të qenë i pranishëm në seancë për arsye pune.
Mungesa e tij mund të bëhet shkak për shtyrjen e procesit gjyqësor.a.b
