Beteja midis demokratëve dhe republikanëve në zgjedhjet e mesit të mandatit në SHBA ka filluar, ndërsa miliona amerikanë do të votojnë për të vendosur se cila parti do të ketë kontrollin e Kongresit për dy vitet e fundit të Presidencës së Donald Trump.
Në zgjedhje janë në lojë të gjitha 435 vendet në Dhomën e Përfaqësuesve, si dhe 35 nga 100 vendet në Senat.
Edhe pse vetë Trump nuk është në fletën e votimit, rezultati është një provë e rëndësishme politike për Shtëpinë e Bardhë, pasi një humbje e mundshme e kontrollit edhe të njërit prej dy organeve legjislative mund të prishë ekuilibrin në Uashington dhe ta bëjë të vështirë zbatimin e axhendës së qeverisë.
Partia Republikane e Trump kontrollon të dyja dhomat e Kongresit, me demokratët që shpresojnë të fitojnë vende të mjaftueshme për të siguruar shumicën në të dyja.
Nëse demokratët fitojnë kontrollin e Kongresit, ata do të jenë në gjendje të bllokojnë më lehtë planet e Trump.
Ndërsa qendrat e votimit janë hapur, rreth 60 milionë amerikanë kanë votuar tashmë që nga ora 23:30 sipas kohës lindore (04:30 GMT) të hënën.
Sipas të dhënave të publikuara nga Laboratori i Zgjedhjeve në Universitetin e Floridës, 31,897,521 ishin vota të parakohshme me pjesëmarrje fizike dhe 26,779,541 ishin fletëvotime me postë.
