Kryeministri Edi Rama ka përsëritur edhe këtë të mërkurë thirrjen për dialog drejtuar studentëve, të cilët prej disa javësh vijojnë protestat kundër qeverisë, duke kërkuar dorëheqjen e tij.
Kreu i qeverisë ka publikuar sërish imazhin e tryezës prej guri, mbi të cilën ka vendosur shënimet me mbishkrimin “Dialog”, duke përcjellë kështu të njëjtin mesazh për hapjen e një komunikimi me studentët.
Megjithatë, deri më tani, studentët kanë refuzuar ftesat e kryeministrit për dialog, duke këmbëngulur se kërkesa e tyre kryesore mbetet largimi i Ramës nga detyra.