Banka Popullore ka reaguar ndaj pretendimeve publike për transferta të mëdha fondesh drejt ose nga Serbia dhe Rusia përmes “ALTA Banka” SHA Bitola. Sipas saj, nga shqyrtimi i hollësishëm i të dhënave nuk rezultojnë transaksione të tilla gjatë vitit 2025 dhe deri në tetor 2026.
Institucioni bën të ditur se pagesat e klientëve të bankës me Serbinë kanë qenë në vlera të papërfillshme, duke marrë parasysh vëllimin e transaksioneve të pagesave dhe veprimtarinë e rregullt të “ALTA Banka” SHA Bitola.
Të lidhura
None found
Në vitin 2025, hyrjet nga Serbia ishin 2.2 milionë euro dhe daljet 5.3 milionë euro. Deri në tetor 2026, hyrjet arritën në 6.2 milionë euro, ndërsa daljet në 7.2 milionë euro. Sipas Bankës Popullore, këto shuma lidhen me veprimtarinë e zakonshme të klientëve të bankës.
Për të njëjtat periudha, në operacionet e pagesave dhe në bilancin e bankës nuk janë evidentuar hyrje apo dalje fondesh nga Rusia, njofton Banka Popullore.
