Një embrion në SHBA që kishte qëndruar i ngrirë për 30 vjet, u shkri dhe u transferua përsëri në mitrën e nënës. Foshnja e lindur si rezultat i kësaj procedure shënoi një përparim të rëndësishëm në historinë mjekësore me lindjen e shëndetshme.
Embrionet e krijuara gjatë fertilizimit in vitro (IVF) që nuk përdoren menjëherë mund të ngrihen dhe të ruhen në kushte të veçanta laboratorike.
Të lidhura
None found
Në këtë metodë, të quajtur krioprezervim, embrionet ruhen në temperatura shumë të ulëta, transmeton Albeu.com.
Një embrion i krijuar nëpërmjet fertilizimit in vitro në vitin 1994 dhe i ngrirë për më shumë se 31 vjet u shkri dhe u implantua përsëri në mitrën e nënës vite më vonë.
Rezultati i suksesshëm i procedurës dhe lindja e foshnjës nga ky embrion, treguan përparimet në teknologjinë e ruajtjes së embrioneve.
Një mrekulli 30-vjeçare
Foshnja, e quajtur Thaddeus Daniel Pierce, lindi më 26 korrik 2025, në Ohajo, SHBA.
Lindja, e konfirmuar nga Libri i Rekordeve Botërore Guinness, është regjistruar si embrioni njerëzor më i gjatë i ruajtur që rezultoi në një shtatzëni të suksesshme. /albeu.com/
