Një 71-vjeçare si Kris Jenner, Kim Kardashian i bën dedikimin emocionues nënës së saj në ditëlindje
Kim Kardashian ka ndarë një dedikim emocionues në rrjetet sociale me rastin e 71-vjetorit të lindjes së nënës së saj, Kris Jenner. Personazhi i njohur televiziv dhe sipërmarrësja publikoi në Instagram një mesazh plot dashuri dhe mirënjohje për njeriun që ka qenë gjithmonë pranë saj dhe familjes.
Në postimin e saj, Kim e cilësoi Kris Jenner si nënën më të veçantë në botë, duke shprehur lumturinë që ka mundësinë të festojë edhe një vit tjetër me të dhe të vazhdojë të mësojë prej saj. “Jam shumë me fat që kam edhe një vit tjetër për të të festuar, për të mësuar nga ti dhe për të të treguar se sa shumë të duam të gjithë. Të dua më shumë sesa mund ta shprehin fjalët, mami”, shkroi ajo.
Krahas dedikimit, Kim publikoi edhe disa fotografi të përbashkëta me të ëmën, nga kujtime të hershme deri në ditët e sotme. Urimi i saj u shndërrua në një moment të veçantë për familjen, duke treguar edhe një herë lidhjen e ngushtë mes dy personazheve të njohur.
