Dogana e Kosovës ka njoftuar se gjatë kontrolleve rutinore të automjeteve transportuese në pikën kufitare në Vërmicë, ka zbuluar një sasi prej 10 tonësh të mallrave të padeklaruara.
Në kamionin ku janë zbuluar mallrat, gjatë verifikimit në peshore janë evidentuar mospërputhje në peshën e deklaruar, afërsisht një diferencë prej rreth 10 tonësh mallra të padeklaruara.
“Për këtë arsye, është kërkuar kontroll më i detajuar i ngarkesës. Vlera e mallrave të padeklaruara, pa përfshirë detyrimet e importit, vlerësohet të jetë rreth 154,000 dollarë amerikanë. Rasti është duke vazhduar me procedurat përkatëse administrative, në përputhje me dispozitat e Kodit Nr. 08/L-247 për Doganat dhe Akcizën. Dogana e Kosovës mbetet e përkushtuar në zbatimin e kontrolleve efikase dhe në përdorimin e mekanizmave të menaxhimit të riskut, me qëllim parandalimin e kontrabandës, luftimin e tregtisë së paligjshme dhe mbrojtjen e interesave financiare të Republikës së Kosovës”, ka njoftuar Dogana e Kosovës.
-
Dogana zë veshmbathje e këpucë të padeklaruara në një kamion në Vërmicë, vlera mbi 72 mijë euro
-
Dogana zbulon mbi 10 mijë euro të padeklaruara në pikën kufitare në Vërmicë
-
Dogana ndalon 20 ngrohëse të padeklaruara në Vërmicë
-
Dogana e Kosovës zbulon 30 mijë euro të padeklaruara në një veturë në Vërmicë
-
Qytetarit i zihen 30 mijë euro të padeklaruara në Vermicë