Zjarr në një anije mallrash në Gjirin e Omanit, shpëtohen 22 persona

Garda Kombëtare e Emirateve të Bashkuara Arabe ka shpëtuar 22 persona pasi një zjarr shpërtheu në bordin e një anijeje mallrash në Gjirin e Omanit.

Sipas njoftimit zyrtar, të gjithë personat e shpëtuar janë shtetas arabë. Operacioni i shpëtimit u zhvillua nga njësitë e Rojës Bregdetare, pasi autoritetet morën një sinjalizim nga ekuipazhi për zjarrin në bord.

Ekipet e specializuara lokalizuan anijen dhe ndërhynë për të evakuuar të gjithë 22 personat, të cilëve iu dha ndihma e parë përpara se t’u dorëzoheshin autoriteteve përkatëse.

Garda Kombëtare bëri të ditur se të gjithë të shpëtuarit ndodhen në gjendje të qëndrueshme shëndetësore.

Ngjarja regjistrohet në një periudhë tensionesh të shtuara në rajon, veçanërisht lidhur me sigurinë e lundrimit në Ngushticën e Hormuzit, një nga korridoret më të rëndësishme detare për transportin ndërkombëtar të naftës dhe mallrave.

Tensionet janë shtuar që prej nisjes së ofensivës amerikane dhe izraelite kundër Iranit në fund të shkurtit, duke rritur shqetësimet për sigurinë e transportit detar në Gjirin e Omanit dhe zonat përreth.