Evropianët dhe Franca do të jenë të pranishëm në bisedimet e ndërmjetësuara nga Shtetet e Bashkuara të Amerikës midis Rusisë dhe Ukrainës, të cilat janë planifikuar të zhvillohen më 10 dhe 11 nëntor në Abu Dhabi.

Lajmi është konfirmuar nga kreu i diplomacisë franceze, Jean-Noël Barrot, gjatë një interviste për mediat franceze RTL dhe Public Sénat. Ministri i Jashtëm siguroi se roli i faktorëve evropianë do të jetë i garantuar në këtë tryezë negociatash, duke deklaruar se “Evropianët do të përfaqësohen në mënyrë adekuate dhe Franca do të jetë në Abu Dhabi për të marrë pjesë në këto diskutime”.

I pyetur mbi nivelin specifik të përfaqësimit dhe delegacionin zyrtar që do të udhëtojë drejt Emirateve të Bashkuara Arabe, Barrot abstenoi nga dhënia e emrave konkretë në këtë fazë.

“Nuk mund t’ju them ende se kush do ta përfaqësojë Francën në atë rast, por Franca do të jetë atje”, shtoi më tej kreu i diplomacisë franceze, duke rikonfirmuar praninë e Parisit në këtë raund bisedimesh.

/rtsh.al/