Aksident i rëndë, makina përplas për vdekje këmbësorin, shoqërohet në polici shoferja

Një 81-vjeçar ka humbur jetën mbrëmjen e sotme në Durrës, pasi është përplasur nga një automjet në lagjen nr. 14 të qytetit.

Sipas njoftimit të Policisë, aksidenti është regjistruar rreth orës 19:12. Automjeti drejtohej nga një 26-vjeçare, e identifikuar me inicialet K. Gj., ndërsa këmbësori ishte shtetasi B. Z., 81 vjeç.

Si pasojë e dëmtimeve të marra, i moshuari ka ndërruar jetë.

Drejtuesja e automjetit është shoqëruar në ambientet e Policisë për veprime të mëtejshme.

Ndërkohë, grupi hetimor, nën drejtimin e Prokurorisë, po vijon punën për sqarimin dhe dokumentimin e plotë të rrethanave të aksidentit.

Durrës/ Informacion paraprak

Rreth orës 19:12, në lagjen nr. 14, Durrës, një automjet me drejtuese shtetasen K. Gj., 26 vjeçe, ka aksidentuar këmbësorin, shtetasin B. Z., 81 vjeç, i cili si pasojë e dëmtimeve të marra ka humbur jetën.

Drejtuesja e automjetit, shtetasja K. Gj., është shoqëruar në ambientet e Policisë për veprime të mëtejshme.

Grupi hetimor, nën drejtimin e Prokurorisë, vijon veprimet për sqarimin dhe dokumentimin e plotë të rrethanave të ngjarjes.