Një aksident i rëndë me pasojë vdekjen e një personi është regjistruar mbrëmjen e kësaj të diele në Durrës.
Ngjarja ka ndodhur rreth orës 19:12, në lagjen nr. 14, ku një 26-vjeçare, teksa drejtonte automjetin e saj, ka përplasur një këmbësor 81-vjeçar.
Si pasojë e plagëve të marra, i moshuari ka humbur jetën.
Sipas njoftimit të Policisë, drejtuesja e automjetit është shoqëruar në ambientet e Komisariatit për veprime të mëtejshme.
Ndërkohë, grupi hetimor, nën drejtimin e Prokurorisë, po vijon hetimet për të zbardhur dhe dokumentuar plotësisht rrethanat e aksidentit.
