Rrathë qepe të mbushur me vezë dhe proshutë, shije fantastike për 5 minuta nga shefja e kuzhinës Albana Mançja

Përbërësit:

2 qepë të bardha të mëdha

3 vezë të mëdha

70 gr proshutë DIMAL e gatuar, e prerë në kubikë të vegjël

70 g djathë mocarela i grirë

1 lugë gjelle majdanoz i freskët, i grirë

1–2 lugë gjelle vaj

Kripë dhe piper i zi sipas shijes

Përgatitja:

Qërojmë qepët dhe i presim në feta rreth 1,5 cm të trasha. Ndajmë me kujdes shtresat, duke përzgjedhur 6–8 rrathë të mëdhenj.

Në një tas rrahim vezët me pak kripë dhe piper të zi.

Ngrohim vajin në një tigan që nuk ngjit, në temperaturë mesatare. Vendosim rrathët e qepës duke lënë hapësirë ndërmjet tyre.

Hedhim me kujdes vezët e rrahura brenda çdo rrethi, duke i mbushur pjesërisht.

Shtojmë kubikët e proshutës, majdanozin e grirë dhe mocarelën.

Shpërndajmë sipër pjesën e mbetur të vezëve, pa e tejkaluar lartësinë e rrathëve të qepës.

Mbulojmë tiganin me kapak dhe i gatuajmë për 3–4 minuta në zjarr mesatar të ulët, derisa vezët të fillojnë të mpiksen dhe djathi të shkrijë.

Me ndihmën e një spatule i kthejmë me kujdes nga ana tjetër. Vazhdojmë gatimin edhe 2–3 minuta, derisa të marrin ngjyrë të artë dhe veza të jetë gatuar plotësisht.

I largojmë nga tigani dhe i servirim të ngrohtë.

Sekreti i recetës: Zgjidhni qepë të mëdha dhe rrathë me trashësi të njëtrajtshme. Gatuajini në temperaturë jo shumë të lartë, në mënyrë që veza të piqet mirë, djathi të shkrijë dhe qepa të zbutet pa u djegur.