Kylian Mbappe e ka përjetuar rëndë që nuk e fitoi ‘Topin e Artë’, por nuk ka lejuar që zhgënjimi të ndikojë në përkushtimin e tij profesional.

Këtë e ka zbuluar bashkëlojtari i tij te Real Madridi dhe Kombëtarja e Francës, Ibrahima Konate.

“Është garues i lindur dhe sigurisht që është e vështirë të mos e fitosh ‘Topin e Artë’, kur e meriton plotësisht”, u shpreh Konate, duke mbështetur sulmuesin francez, i cili përfundoi pas Harry Kane në votimin e këtij viti.

Sipas mbrojtësit, Mbappe u rikthye që të nesërmen në stërvitje me përkushtim të plotë.

Konate shpreson që sulmuesi i Real Madridit ta fitojë çmimin në edicionin e ardhshëm.

Ai gjithashtu theksoi se Mbappe është shumë i rëndësishëm për Real Madridin, duke nënvizuar mentalitetin e tij dhe ndikimin vendimtar që ka pasur në ndeshjet e fundit.