Kryeministri Edi Rama teksa mbante fjalën në Forumin e Paqes në Paris u pyet për protestat në Shqipëri dhe si ndikojnë ato në rrugëtimin drejt anëtarësimit në BE. Sipas Ramës, pas veprimeve të dhunshme të të rinjve fshihen ndikime të tjera, edhe partitë opozitare. Sfondi i kësaj proteste është mjaft komplekse. Është si një tenxhere ku zien gjithçka. Nga shqetësimi për mjedisin, gjepura anti-semite të ndezura nga armiqtë e vendit tonë, si Irani, parti të opozitës që fshihen pas, por edhe njerëz që kanë shqetësimet e tyre për kostot e jetesës e deri te njerëz të sjellë nga krimi i organizuar. Një situatë komplekse edhe në mbarë Europën që do ta përkufizoja dhe si përplasje midis botës reale dhe botës së medias sociale. Sa i përket anëtarësimit në BE, Rama u shpreh se nuk mund të japë premtime për një proces që nuk varet vetëm nga Shqipëria.