Nga Alba Kepi/
Ka nisur operacioni i dytë kirurgjikal i Erjon Vishkullit në syrin e majtë, në spitalin universitar Policlinico Agostino Gemelli në Romë.
Ndërhyrja po kryhet nën kujdesin e profesorit italian Stanislao Rizzo, një specialist i njohur në fushën e kirurgjisë okulistike.
Ky është operacioni i dytë për Erjon Vishkullin, pas ndërhyrjes së parë të kryer më 28 tetor 2026, në të njëjtin spital dhe nga ekipi mjekësor i drejtuar nga profesori Rizzo.
Erjoni u plagos në syrin e majtë gjatë protestës së 24 shtatorit në Tiranë dhe u transportua në Itali për të marrë trajtim të specializuar.
Ndërhyrja e sotme përbën një tjetër etapë të rëndësishme në përpjekjet për rikuperimin e syrit dhe mundësinë e rikthimit të shikimit.
Operacioni është aktualisht në zhvillim dhe ende nuk ka një informacion zyrtar mbi përfundimin apo rezultatet e ndërhyrjes.
Vëmendja dhe shpresa janë tashmë te ekipi mjekësor dhe te rezultatet e kësaj ndërhyrjeje të rëndësishme.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Falsifikonin dokumente të shteteve të BE, arrestohen dy persona në Tiranë! Ja çfarë iu sekuestruan
Arrestohet një gjerman në Kosovë, sekuestrohen 43 armë të gjata automatike
23 kg drogë në valixhe/ Pushimet e çiftit kthehen në makth në Shqipëri: Na ndërruan bagazhet...