Ka nisur këtë të mërkurë protesta e studentëve para Ministrisë së Arsimit, ku të rinjve u janë bashkuar edhe disa pedagogë dhe qytetarë të Tiranës.
Në prag të tubimit, Policia ka dislokuar pranë institucionit një autobot ujëhedhës, ndërsa efektivët janë pozicionuar në zonën e Rrugës së Durrësit.
Studentët kanë paralajmëruar se protestat do të vijojnë dy herë në javë, çdo të mërkurë dhe të shtunë, duke mbajtur të pandërprerë presionin për plotësimin e kërkesave të tyre.
Në protestat e mëparshme nuk kanë munguar përplasjet me policinë. Protestuesit kanë hedhur gurë në drejtim të efektivëve, ndërsa këta të fundit janë kundërpërgjigjur me gaz lotsjellës dhe ujë me presion.
Ndryshe nga tubimet e së shtunës, këtë herë deputetët dhe mbështetësit e Partisë Demokratike nuk i janë bashkuar zyrtarisht protestës.a.b
