Zelensky zbulon pretendimin e Rusisë në negociata: Thonë se kanë pushtuar gjysmën e Donbasit, Putini jeton në një realitet tjetër 11/11 15:30
Skema e ngjyrave
Madhësia e shkrimit
Republikanët në Dhomën e Përfaqësuesve kanë bllokuar përpjekjen për shkarkimin e sekretarit amerikan të Mbrojtjes, Pete Hegseth, i akuzuar për shkelje të Kushtetutës për shkak të nisjes së luftës kundër Iranit pa autorizimin e Kongresit.
Akuzat ndaj Hegseth përfshinin gjithashtu sulmet ndaj anijeve të dyshuara për trafik droge në Karaibe, operacionet ushtarake në Jemen, kapjen e Nicolás Maduros në Venezuelë dhe presionet ndaj senatorit demokrat Mark Kelly.
Me 211 vota pro dhe 204 kundër, Dhoma miratoi dërgimin e tetë akuzave në Komisionin e Drejtësisë, duke pezulluar për momentin procedurën e shkarkimit. I vetmi republikan që votoi përkrah demokratëve ishte Thomas Massie, nismëtari i rezolutës.
Presidenti Donald Trump e përshëndeti rezultatin në rrjetin e tij Truth Social, duke e cilësuar dështimin e nismës si një fitore të madhe. “Përpjekja e demokratëve për të shkarkuar Pete Hegseth dështoi në mënyrë të turpshme. Një patriot i madh amerikan u shpall i pafajshëm”, shkroi Trump, duke vlerësuar operacionet ushtarake në Iran dhe Venezuelë.
Nga ana e tij, shefi i Pentagonit i hodhi poshtë akuzat, duke i cilësuar ato një farsë politike. Hegseth këmbënguli se operacionet ushtarake kanë qenë të ligjshme dhe tha se presidenti Trump ka vepruar për sigurinë e amerikanëve. Megjithatë, çështja mund të rikthehet në janar, kur demokratët pritet të marrin kontrollin e Dhomës së Përfaqësuesve pas fitores në zgjedhjet e mesmandatit.
Ndërkohë, humbja zgjedhore ka sjellë ndryshime edhe në drejtimin e republikanëve. Jim Jordan është zgjedhur udhëheqës i pakicës së ardhshme republikane në Dhomën e Përfaqësuesve, duke zëvendësuar Mike Johnson, ndërsa John Thune është rizgjedhur në krye të republikanëve në Senat.
Top Channel
