Cristiano Ronaldo po shijon kohën e lirë larg futbollit dhe angazhimeve me përfaqësuesen e Portugalisë. Për herë të parë pas tërheqjes nga Kombëtarja, ylli portugez po e kalon periudhën e ndeshjeve të ekipeve kombëtare në një mënyrë ndryshe, duke iu përkushtuar golfit.

Ish-kapiteni i Portugalisë ka publikuar në rrjetet sociale disa fotografi nga koha e kaluar me miqtë në fushën e golfit.

“Momente të bukura me miqtë”, shkroi Ronaldo në postimin e tij në Instagram, duke treguar se po shijon këtë periudhë larg angazhimeve sportive me Kombëtaren.

Kështu, CR7 po përjeton një realitet të ri, pa grumbullimet dhe ndeshjet me fanellën e Portugalisë, pas vendimit për t'i dhënë fund karrierës së tij me përfaqësuesen.